უნაი ემერი უმტიტის აქებს

"არსენალის" მთავარმა მწვრთნელმა, უნაი ემერიმ "ბარსელონას" ცენტრალური მცველი სამუელ უმტიტი შეაქო.

"უმტიტი შესანიშნავი ფეხბურთელია. საფრანგეთს ბევრი კარგი მოთამაშე ჰყავს, რომლებიც საზღვარგარეთ ასპარეზობენ. ჩემს ყოფილ გუნდებში ყოველთვის მყავდა ფრანგი ფეხბურთელები." - განაცხადა უნაი ემერიმ.

შეგახსენებთ, რომ სამუელ უმტიტის გაყიდვის თაობაზე საუბარი სერიოზულად მიდის. რამდენიმე დღის წინ, გავრცელდა ინფორმაცია, რომ ფრანგი თავისი სათამაშო დროით უკმაყოფილოა. ერთ-ერთი კლუბი, რომელიც მისი შეძენითაა დაინტერესებული, "არსენალია".