ბარსელონური დერბის ისტორია

ბარსელონური დერბი ერთი ქალაქის ორი საფეხბურთო კლუბის "ბარსელონასა" და "ესპანიოლის" დაპირისპირებაა, რომელიც სათავეს 1929 წელიდან იღებს.

წორედ 90 წლის წინ დაუპირისპირდნენ ეს გუნდები ერთმანეთს. შეხვედრა "ბლაუგრანას" გამარჯვებით დასრულდა 1:0. ბოლო დერბი კი, ლა ლიგის 29-ე ტურში შედგა. აქაც გამარჯვებული "ბარსელონა" გახდა (2:0) ლიონელ მესის დუბლის წყალობით.

საერთო ჯამში, ძირითად ტურნირებზე ხსენებული გუნდები 210-ჯერ დაუპირისპირდნენ ერთმანეთს. "ბარსელონას" 123 მოგება აქვს, "ესპანიოლს" 44, ხოლო 43 მატჩი ფრედ დასრულდა.

რაც შეეხება გატანილ გოლებს, "ბლაუგრანელთა" ანგარიშზე 404 გოლია, ხოლო "ესპანიოლმა" დერბიში 223-ჯერ აიღო მეტოქის კარი.

ყველაზე მეტჯერ "ესპანიოლის" წინააღმდეგ ლიონელ მესიმ ითამაშა. მანვე გაიტანა ყველაზე მეტი, 25 გოლი, შეასრულა 3 ჰეთ თრიქი და 11 საგოლე გადაცემა.