როგორ ითამაშეს “ბარსელონადან” იჯარით წასულმა ფეხბურთელებმა

მიმდინარე სეზონში “ბარსელონამ” 6 ფეხბურთელი გაანათხოვრა ისე, რომ ზაფხულში მათი კატალონიურ გუნდში დაბრუნება შესაძლებელია. ამ სტატიაში, ამ ფეხბურთელების მიერ შაბათ-კვირას ნაჩვენებ შედეგებს შემოგთავაზებთ.

მარკ კუკურელია

ხეტაფე

მარკ კუკურელიას “ხეტაფემ”, დღეს, “ბილბაო” სტუმრად 2-0 დაამარცხა. 21 წლის ფეხბურთელმა, მარცხენა შემტევის პოზიციაზე, შეუცვლელად ითამაშა.

კუკურელიამ, ლა ლიგის მიმდინარე სეზონის 22 ტურში, ყველა შეხვედრა სასტარტო შეამდგენლობაში დაიწყო. მის აქტივში 1 გოლი და 4 შედეგიანი გადაცემაა.

ფილიპე კოუტინიო

ბაიერნი

ფილიპე კოუტინიოს “ბაიერნმა”, ბუნდესლიგის მე-20 ტურში, “მაინცი” სტუმრად 3-1 დაამარცხა. ბრაზილიელი შემტევი თამაშში 65-ე წუთზე ჩაერთო, როდესაც შეხვედრის საბოლოო ანგარიში უკვე დაფიქსირებული იყო.

20 ტურში კოუტინიომ 18-ჯერ ითამაშა, აქედან 12-ჯერ ის სასტარტო შემადგენლობაში იყო. ბრაზილიელის ანგარიშზე 6 გოლი და ამდენივე შედეგიანი გადაცემაა.

რაფინია ალკანტარა

სელტა

რაფინიას “სელტა” “ვალენსიასთან” სტუმრად დამარცხდა, ანგარიშით 0-1. ბრაზილიელმა ნახევარმცველმა თამაში სრულად ჩაატარა და 65-ე წუთზე ყვითელი ბარათი მიიღო.

22 ტურში, რაფინიას აქტივში 14 თამაში (12 სასტარტოში) და 2 გოლია.

კარლეს ალენია

ბეტისი

ლა ლიგის 22-ე ტური შეუცვლელად ჩაატარა კარლეს ალენიამაც, რომლის “ბეტისმაც”, “ეიბართან”, სტუმრად, 1-1 ითამაშა.

ალენიამ, რომელიც “ბეტისს” იანვარში შეუერთდა, მონაწილეობა 4 მატჩში მიიღო, აქედან ის 2-ჯერ სასტარტო შემადგენლობაში ვიხილეთ.

ჟან-კლერ ტოდიბო

შალკე

ახალ გუნდში დებიუტი ჰქონდა ახალგაზრდა ფრანგ ცენტრალურ მცველს, ჟან-კლერ ტოდიბოს. “ჰერტასთან” სტუმრად გამართულ შეხვედრაში (0-0), ის თამაშში 89-ე წუთზე ჩაერთო.

მუსა ვაგე

ნიცა

დებიუტი ჰქონდა იჯარით წასულ კიდევ ერთ ფეხბურთელს. “ნიცაში” 2 დღის წინ გადასული მუსა ვაგე, “ლიონთან” გამართულ საშინაო შეხვედრაში (2-1), თამაშში 76-ე წუთზე ჩაერთო, როდესაც შეხვედრის საბოლოო ანგარიში უკვე დაფიქსირებული იყო.