„ჟირონას“ მწვრთნელი: წითელი ბარათი რომ არა, „ბარსას“ დამარცხებას შევძლებდით
"ჟირონას" მწვრთნელი, ეუსებიო საკრისტანი თვლის, რომ "ბარსელონასთან" მატჩში (0:2) მთავარმა არბიტრმა ბერნარდო უსამართლოდ გააძევა.
"ჟირონას" ინტენსიურობის დონე მეტოქისას აღემატებოდა. კაცნაკლულობამ თამაშზე გარკვეული გავლენა მოახდინა. მოედანზე დიდებული მეტოქის წინააღმდეგ გამოვედით, მაგრამ შანსი ნამდვილად გვქონდა.
ბერნარდომ ორივეჯერ საეჭვო გაფრთხილება მიიღო, მისი გაძევება უსამართლოდ მეჩვენება. ვფიქრობ, ასეთი გადაწყვეტილების მიღებამდე ყველაფერი კარგად უნდა აწონ-დაწონო. მას წესები მიზანმიმართულად არ დაურღვევია.
არბიტრთა სამართლიანობაზე იმედს ყოველთვის ვამყარებ. ბერნარდოს გაძევების გადაწყვეტილება ბრიგადამ საკმარისი დაფიქრების გარეშე მიიღო. რამდენიმე წუთით ადრე პაბლო გონსალესმა ბუსკეტსის დარღვევა უყურადღებოდ დატოვა.
უდანაკარგოდ თამაშის შემთხვევაში მოვიგებდით, მაგრამ წითელმა ბარათმა გაგვტეხა. ანგარიშის გასათანაბრებლად უმცირესობაში ყოფნისასაც ვიბრძოდით. მოთამაშეთა მიმართ არავითარი პრეტენზია არ მაქვს, თუმცა, წარუმატებელმა სერიამ მათზე, შესაძლოა, უარყოფითი გავლენა იქონიოს."-ამბობს ეუსებიო.
ამ სიახლეზე კომენტარები გათიშულია.
კომენტარები [ 5 ]