"ტოტენჰემი" მალკომის იჯარით აყვანის ვარიანტს განიხილავს

"მანჩესტერ იუნაიტედთან" მატჩში ჰარი კეინის ტრავმის მიღების შემდეგ "ტოტენჰემმა" ახალი თავდამსხმელის ძიება დაიწყო.

დაზიანების ხარისხი და სირთულე მას შემდეგ გახდება ცნობილი, რაც ინგლისელ ცენტრფორვარდს შეშუპება ჩაუცხრება და სკანირების გავლას შეძლებს. "დეზების" კორეელი შემტევი, ჰეუნ-მინ სონი კი აზიის თასის მატჩებისთვის ნაკრებში გამოიძახეს და შესაძლოა, "ტოტენჰემის" 5 მატჩი გამოტოვოს, თუ სამხრეთ კორეა ტურნირის ფინალამდე გავა.

ამასთან დაკავშირებით კი, როგორც Daily Star იტყობინება, ლონდონურმა კლუბმა "ბარსელონას" თავდამსხმელის, მალკომის იჯარით აყვანის ვარიანტის განხილვა დაიწყო.