"ევერტონი" მალკომით დაინტერესდა

"ბარსელონას" ბრაზილიელმა თავდამსხმელმა, მალკომმა, მერსესაიდული "ევერტონის" ყურადღება მიიქცია, იტყობინება Marca.

ინგლისელებს 21 წლის ფეხბურთელის შეძენა ჯერ კიდევ გასულ ზაფხულში სურდათ, როდესაც ის "ბორდოში" თამაშობდა. ახლა კი "ევერტონი" მალკომის ტრანსფერის განხორციელებას კვლავ განიხილავს.

ახალგაზრდა შემტევი "ბარსელონაში" სათამაშო პრაქტიკის დეფიციტს განიცდის, მაგრამ ის "კამპ ნოუზე" დარჩენას მინიმუმ სეზონის დასრულებამდე აპირებს.

მანამდე კი ასევე გავრცელდა ინფორმაცია, რომ ჩინურმა "გუანჩჟოუ ევერგრანდმა", სადაც პაულინიო თამაშობს, კატალონიურ კლუბს, მალკომის სანაცვლოდ, 50 მილიონი ევრო შესთავაზა.