ჟერარ პიკემ, შესაძლოა, ესპანური "რეუსი" შეიძინოს
ერთ-ერთი კატალონიური გამოცემის ინფორმაციით, "ბარსელონას" ცენტრალური მცველი, ჟერარ პიკე, შესაძლოა, კლუბ "რეუსის" მფლობელი გახდეს, რომელიც ბარსელონასთან ახლოს, ამავე სახელწოდების ქალაქში მდებარეობს.
ამ მომენტისთვის, "რეუს დეპორტიუ" რთულ ფინანსურ მდგომარეობაშია, ფეხბურთელები კი უკვე რამდენიმე თვეა ხელფასს არ იღებენ. 5 დეკემბრამდე კლუბმა ვალი უნდა გადაიხადოს, რომელიც 5,3 მილიონ ევროს შეადგენს. წინააღმდეგ შემთხვევაში მას გარე ადმინისტრირება ემუქრება.
"რეუსის" გენერალური დირექტორი ამჟამად ჟოან ოლივერია, რომელიც "ბარსელონაში", ჟოან ლაპორტას პრეზიდენტობის დროს, ანალოგიურ თანამდებობას იკავებდა. როგორც ოლივერმა განაცხადა, კლუბი ახლა მოლაპარაკებებს ახლო აღმოსავლეთთან და ჩინეთთან აწარმოებს.
16 ტურის შემდეგ, "რეუსი" 13 ქულით, სეგუნდა დივიზიონში ბოლო ადგილს იკავებს.
ამ სიახლეზე კომენტარები გათიშულია.
კომენტარები [ 8 ]