მალკომი: გასახდელში დემბელეს მხარს ვუჭერთ
მალკომმა Bein SPORTS-ის ჟურნალისტ აჩრაფ ბენ აიადთან ინტერვიუში კლუბში მიმდინარე მოვლენებზე ისაუბრა. ბოლო კვირების ერთ-ერთი მთავარი პროტაგონისტი უსმან დემბელეა და ბრაზილიელმა გარემარბმა ახალგაზრდა ფრანგზეც ისაუბრა.
"ის ახალგაზრდაა და ყველანაირად მხარს დავუჭერთ. მეც მასსავით ვარ. გასახდელში დემბელეს ყველა გვერდში უდგას."
შეგახსენებთ, რომ მალკომის "ბარსაში" ტრანსფერი ძალიან უცნაური იყო. ფეხბურთელის "რომაში" გადასვლა უკვე ოფიციალურადაც იყო დადასტურებული, თუმცა საქმეში კატალონიური კლუბი ბოლო წუთს ჩაერთო და ახალგაზრდა ბრაზილიელი ფაქტობრივად რომაელებს ხელიდან გამოსტაცა.
"რომაში" წასვლით ბედნიერი ვიყავი, თუმცა როცა საქმეში "ბარსა" ჩაერთო, ყველაფერი შეიცვალა. ჩემი ბავშვობის ოცნების ახდენასთან ძალიან ახლოს ვიყავი და ბევრი არც მიფიქრია, ამ გადაწყვეტილებას არ ვნანობ."
ამ კლუბში ადგილის დამკვიდრება ძალიან რთულია და მალკომსაც გაუჭირდა ვალვერდესთვის თავის მოწონება.
"აქ მარტივი არასდროს არაფერია. "ბარსელონა" მსოფლიოს საუკეთესო გუნდია და ბევრი მაღალი დონის ფეხბურთელია, ამიტომ მომთმენი უნდა ვიყო და ჩემი შანსები მაქსიმალურად გამოვიყენო. ჩემპიონთა ლიგაზე დებიუტმა და გოლმა თვითდაჯერებულობა შემმატა და ახლა უფრო მოტივირებული ვარ. დანებებას არ ვაპირებ და ყველაფრისთვის ბოლომდე ვიბრძოლებ."
ამ სიახლეზე კომენტარები გათიშულია.
კომენტარები [ 9 ]