14 წელი მესის ოფიციალური დებიუტიდან

16 ოქტომბერი "ბარსელონას" გულშემატკივრებისთვის შეუცვლელი დღეა. ზუსტად 14 წლის წინ, ამ დღეს, "ბარსელონაში" ლიონელ მესის ოფიციალური დებიუტი შედგა.

ლეო მესიმ კატალონიური გუნდის მაისურით პირველი ოფიციალური მატჩი "ესპანიოლთან" ჩაატარა. არგენტინელმა ვარსკვლავმა, რომელიც 30-ნომრიანი მაისურით გამოდიოდა, თამაშის 82-ე წუთზე დეკუ შეცვალა. მაშინ მესი 17 წლის, 3 თვისა და 22 დღის იყო.

ცნობისთვის, მესიმ "ბარსელონაში" პირველი გოლი 2005 წლის 1 მაისს "ალბასეტესთან" გაიტანა და კატალონიური კლუბის ისტორიაში გახდა ყველაზე ახალგაზრდა ფეხბურთელი, რომელმაც ესპანეთის ჩემპიონატის მატჩში თავი გამოიჩინა.