"ბარსელონა" დე ლიგტსა და დე იონგში 130 მილიონს იხდის
კატალონიის "ბარსელონა" ამსტერდამის "აიაქსის" ორი ფეხბურთელის - მატიას დე ლიგტისა და ფრენკი დე იონგის შეძენაზე სერიოზულად ფიქრობს.
19 წლის დე ლიგტი და 21 წლის დე იონგი ჰოლანდიური გრანდის ლიდერებად ითვლებიან. დე ლიგტი ცენტრალური მცველია, ხოლო დე იონგს, როგორც ნახევარდაცვაში, ისე დაცვაში თამაში შეუძლია.
კატალონიური Sport-ის მიერ გავრცელებული ინფორმაციის თანახმად, "ბარსელონა" მომდევნო ზაფხულში ამ ორი ფეხბურთელის სანაცვლოდ 130 მილიონი ევროს გადასახდელად მზად იქნება. კატალონიელები "აიაქსის" პერსპექტიულ ფეხბურთელებს უკვე დიდი ხანია აკვირდებიან, ამიტომ მიიჩნევენ, რომ მათში ამხელა თანხის გადახდა გამართლებული იქნება.
ბოლოს გავრცელებული ცნობებით, "ბარსა" აქცენტს უფრო დე ლიგტზე აკეთებს, თუმცა, როგორც ირკვევა, კატალონიური კლუბი ხელიდან არც დე იონგს გაუშვებს.
ამ სიახლეზე კომენტარები გათიშულია.
კომენტარები [ 5 ]