მაიკლ კერიკი: "ბარსელონასთან" წაგების შემდეგ 2 წელი დეპრესიაში ვიყავი
"მანჩესტერ იუნაიტედის" ლეგენდარული ნახევარმცველი მაიკლ კერიკი აცხადებს, რომ 2009 წელს "ბარსელონასთან" ჩემპიონთა ლიგის ფინალში წაგების გამო, ის 2 წლის განმავლობაში დეპრესიაში იყო.
რომში გამართული ფინალის საწყის წუთებში უპირატესობას "იუნაიტედი" ფლობდა, მაგრამ მე-10 წუთზე, კერიკმა ბურთი მოედნის ცენტრში დაკარგა და "ბარსამ" ანგარიში გახსნა. საბოლოოდ, კატალონიელებმა შეხვედრა 2:0 მოიგეს.
"ჩემპიონთა ლიგის იმ ფინალის წაგების შემდეგ, 2 წელი დეპრესიაში ვიყავი.
საკუთარ თავს ვუმეორებდი: რატომ გავაკეთე ეს? ამის შემდეგ კი, დეპრესია მატულობდა და მატულობდა. რთული წელი გადავიტანე. ეს მდგომარეობა დიდხანს გაგრძელდა.
ერთი წლით ადრე ჩემპიონთა ლიგა მოგებული მქონდა, მაგრამ ამას უკვე მნიშვნელობა აღარ ჰქონდა.
ვგრძნობდი, რომ დეპრესიაში ვიყავი.
თავი ცუდად არაერთი თამაშის შემდეგ მიგრძვნია, მაგრამ ეს რამდენიმე დღეში გამდიოდა. ამ შემთხვევაში კი ასე არ მოხდა. უცნაური შეგრძნება იყო.
ამ ყველაფერს საიდუმლოდ ვინახავდი. ყველაფერი ოჯახის წევრებმაც კი არ იცოდნენ. ამაზე აქამდე არასდროს მილაპარაკია." - ციტირებს კერიკის სიტყვებს BBC.
ამ სიახლეზე კომენტარები გათიშულია.
კომენტარები [ 4 ]