სელტა-ბარსელონა - ერნესტო ვალვერდე მატჩის წინ

"ბარსელონას" მთავარი მწვრთნელი ერნესტო ვალვერდე აცხადებს, რომ "სელტასთან" ხვალ გასამართი მატჩისთვის ის შემადგენლობაში ცვლილებების განხორციელებას გეგმავს.

"ხვალ ცვლილებები იქნება, რადგან გუნდს ეს სჭირდება. წინ მნიშვნელოვანი კვირა გველის. 3 დღის წინ ვითამაშეთ, კვირის ბოლოს კი თასის ფინალი გველის.

"რომასთან" მარცხი რთული გადასატანი იყო. "ვალენსიასთან" ასევე რთული თამაში გვქონდა. თუმცა, ჩემპიონატის მოგებას მივუახლოვდით.

"სელტა" საკუთარ მოედანზე თამაშობს და ყველამ კარგად იცის, რა მოხდა აქ შარშან. თუმცა, ხვალინდელ გამოწვევას დიდი ენთუზიაზმით ვხვდებით.

დაისენებს თუ არა მესი? შესაძლებელია. მისი ჯანმრთელობის მდგომარეობა სანერვიულო არაა.

ცვლილებებს ანგარიშისა და ფეხბურთელის მიერ ნაჩვენები თამაშის გათვალისწინებით ვაკეთებ. სიმშვიდეს ვინარჩუნებ და ცვლილებებს არ ვჩქარობ.

არის თუ არა პრიმერა უკვე მოგებული? როდესაც ჩემპიონთა ლიგაზე "რომას" შევხვდით, ყველამ იფიქრა, რომ უკვე 1/2-ფინალში ვიყავით. იგივე შეცდომა არ უნდა გავიმეოროთ.

ინიესტას გამოთხოვება? დადასტურებული ჯერ არაფერია. არ ვიცი, რა მოხდება.

თამაშს ყოველთვის საუკეთესო თერთმეტეულით ვიწყებ. არის შემთხვევები, როდესაც ვფიქრობ, რომ ცვლილება საჭირო არაა.

ხვალ რთული თამაში გველის, პირველი ტიტულის მოგება კი მიმდინარე კვირაშივე შეგვიძლია."