ვალვერდე: "ლევანტე" კარგად ორგანიზებული გუნდია
წინასამატჩო პრეს-კონფერენციაზე "ბარსელონას" მთავარმა მწვრთნელმა, ერნესტო ვალვერდემ მისი გუნდის მდგომარეობასა და მომავალ მეტოქე "ლევანტეზე" ისაუბრა.
"ლა ლიგას ვლიდერობთ და ეს თავდაჯერებულობას გვმატებს, მაგრამ ზედმეტი არ უნდა მოგვივიდეს. "ლევანტე" ამ სეზონში სტუმრად უკეთესად თამაშობს, ვიდრე შინ. ეს კარგად ორგანიზებული გუნდია, რომელიც მოედანზე სივრცეებს ნაკლებად დაგვიტოვებს.
კარგია, რომ დაბრუნდა დემბელე, მაგრამ ახლა მას მუშაობა სჭირდება იმისთვის, რომ მნიშვნელოვან მატჩებშიც მიიღოს მონაწილეობა. ის მოტივირებულია და ამისთვის ბევრს შრომობს".
განაცხადშია ხოსე არნაისიც, რომელიც სარეზერვო გუნდის წევრია, მაგრამ ძირითად გუნდთან ერთად ჩატარებულ 3 თამაშში კარგი შთაბეჭდილება დატოვა.
"არნაისი ახლა კარგ ფორმაშია. ის საკმაოდ მაღალი დონის ფეხბურთელია". - განაცხადა ვალვერდემ.
ამ სიახლეზე კომენტარები გათიშულია.
კომენტარები [ 7 ]