ოფიციალურად: დემბელემ ექიმებისგან თამაშის უფლება მიიღო
"ბარსელონას" ფრანგმა შემტევს, რომელმაც ტრავმა 3 თვე ნახევრის წინ მიიღო, ექიმებმა მოედანზე დაბრუნების უფლება მისცეს.
ინფორმაცია კლუბის ოფიციალურმა ვებ-გვერდმა რამდენიმე წუთის წინ გვამცნო. კლუბის სამედიცინო შტაბის გადაწყვეტილებით, ფეხბურთელი სათამაშოდ მზადაა. შეგახსენებთ, რომ დემბელემ ტრავმა 16 სექტემბერს, "ხეტაფეს" წინააღმდეგ მატჩში მიიღო.
ფრანგს ოპერაცია ფინეთში ჩაუტარდა, მისი აღდგენითი პროცესი კი დადგენილზე სწრაფად მიმდინარეობდა და დღეს დასრულდა კიდეც. მოგეხსენებათ, უსმანმა გუნდთან ერთად ვარჯიში 6 დეკემბერს დაიწყო.
დაზიანების მიღებამდე, დემბელემ "იუვენტუსთან" და "ესპანიოლთან" ჩაატარა მატჩები. ამ უკანასკნელში კი საგოლე პასი სუარესს გაუკეთა და ურუგვაელს დერბიში მე-5 გოლი გაატანინა.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 12 ]