“ბარსელონა” “ლიონის” სამი ფეხბურთელით ინტერესდება

კატალონიის “ბარსელონა” “ლიონის” ერთდროულად სამი ფეხბურთელით ინტერესდება, იტყობინება Sport.

წყაროს ინფორმაციით, “ლურჯ-ბროწეულისფერები” ფრანგული კლუბის სამ ნახევარმცველს აკვირდებიან. ესენია: ნაბილ ფეკირი, ტანგი ნდომბელე და უსემ აუარი. ცნობილია, რომ “ლიონი” ნდომბელეს 75 მილიონ ევროდ აფასებს. ეს უკანასკნელი “ბარსელონას” სათადარიგო ვარიანტია. კატალონიელთა პრიორიტეტი ადრიან რაბიო (პსჟ) და ფრენკი დე იონგია (“აიაქსი”).

შეგახსენებთ, რომ “ბარსელონა” და “ლიონი” ჩემპიონთა ლიგის 1/8 ფინალურ ეტაპზე ერთმანეთს დაუპირისპირდებიან. პირველი მატჩი საფრანგეთში, 19 თებერვალს შედგება, ხოლო კატალონიაში საპასუხო – 13 მარტს.