“ბარსელონადან” “აიაქსში” განათხოვრებულმა გერმანელმა ვარსკვლავმა, მარკ-ანდრე ტერ შტეგენმა ნიდერლანდულ გუნდში პირველი თამაში ჩაატარა და ის მეკარე გაგვახსენა, რომელიც “ბლაუგრანას” კარს წარმატებით იცავდა.
ერედივიზიონის პირველ ტურში ამსტერდამელები “ზვოლეს” ეწვივნენ და მეორე ტაიმში გატანილი გოლების წყალობით 2-0 მოიგეს. თუმცა რომ არა ტერ შტეგენი, არავინ იცის, როგორ განვითარდებოდა მოვლენები. 34-ე წუთზე, როდესაც ანგარიში 0-0 იყო, 34 წლის გერმანელმა შესანიშნავი რეაქცია გამოავლინა და მასპინძელთა თავური დარტყმის შემდეგ გუნდი აშკარა გოლისგან იხსნა.
ტერ შტეგენმა მთელი მატჩი მაღალ დონეზე ჩაატარა, თუმცა მეორე ტაიმში, როდესაც მასპინძლები მოედანზე 10 კაცით დარჩნენ, გერმანელს ბევრი საქმე აღარც ჰქონია.
კარგია თუ ფორმას დაიბრუნებს
საღოლ, ერთი ბურთი მოუგერიებია.