გუშინ “ბარსელონას” ორ იმ ვარსკვლავს ჰქონდა თამაში, რომლებიც იჯარით სხვა გუნდებში იმყოფებიან.
არაუხოს წარმატებული დებიუტი
“ლივერპულის” მაისურით პირველად ვიხილეთ რონალდ არაუხო, რომელიც “კომოსთან” გამართულ ამხანაგურ თამაშში მე-2 ტაიმში ჩაერთო.
ურუგვაელმა ფეხბურთელმა დაცვაში თავი საკმაოდ კარგად წარმოაჩინა. მან 7 დუელიდან 5 მოიგო, განახორციელა 2 წარმატებული ვარდნა, 1 ართმევა, 2 ჩაჭრა და ერთხელ გუნდს ბურთი დაუბრუნა.
ასეთივე წარმატებული არ იყო არაუხოს თამაში შეტევაში. მისი 19 პასიდან ზუსტი 12 გამოდგა (63%), 5 გრძელი პასიდან ყველა არაზუსტი, მეტოქის მესამედზე გაკეთებული 3 პასიდან ყველა არაზუსტი, ხოლო წინ გაკეთებული 7 პასიდან მხოლოდ 1 იყო ზუსტი.
“ლივერპულს” მომდევნო თამაში 23 აგვისტოს აქვს, ამჯერად უკვე პრემიერ ლიგაში “ნიუკასლთან”.
ტერ შტეგენის ერთი შეცდომა და 2 გაშვებული გოლი
მარკ-ანდრე ტერ შტეგენმა “აიაქსის” შემადგენლობაში მეორე თამაში ჩაატარა. “ჰერენვენთან” გამართულ საშინაო შეხვედრაში ამსტერდამელები 33-ე წუთზე 2-0 იგებდნენ, მაგრამ საბოლოოდ ქულას დასჯერდნენ.
ტერ შტეგენმა კარის ხაზზე კარგად ითამაშა და 6 დარტყმა მოიგერია, აქედან ერთი საკმაოდ რთული, ერთხელ კი გუნდი მეტოქის ერთი-ერთზე გასვლის დროს იხსნა. თუმცა ისიც უნდა ითქვას, რომ სტუმართა პირველი საგოლე შეტევა გერმანელი მეკარის არაზუსტ გადაცემას მოჰყვა.
არაუხო ჩემი აზრით მაგრად გაქაჩავდა ატლეტიკოში და მასეთ სვარკა გუნდებში. ფიზიკა, სისწრაფე ყველაფერი აქ მარა ინტელექტი არა
რაც აქ სჭირდათ ისევ ის სჭირს ორივეს. არაუხო სწორ გუნდში თუ იქნება, ისეთში პასები რომ არ მოეთხოვება დიდად, დადებს დონეს. ორთაბრძოლებში ყოველთვის კარგი იყო ტვინი არააქ თორე.