ოფიციალურად: დორტმუნდმა პაკო ალკასერი გამოისყიდა

რამდენიმე წუთის წინ, დორტმუნდის “ბორუსიამ” ოფიციალურად დაადასტურა პაკო ალკასერის შეძენა.

მოგეხსენებათ, ესპანელი ფორვარდი გერმანულ გუნდში გასულ ზაფხულს ერთწლიანი იჯარით გადავიდა, თუმცა კლუბებმა შეთანხებას მიაღწიეს და პაკო უკვე “ბორუსიას” საკუთრებაა 2023 წლის 30 ივნისამდე.

პაკოს მიმდინარე სეზონში ჩატარებულ 8 მატჩში 9 გოლი აქვს გატანილი და საშუალოდ ყოველ 44 წუთში გოლში მონაწილეობას იღებს.

“ბარსელონას შევატყობინეთ, რომ გამოსყიდვის პუნქტს ავამოქმედებთ. პაკომ ჩვენს გუნდში ადგილი სწრაფად დაიმკვიდრა და უკვე ჩვენი უცვლელი წევრია.” – განაცხადა “ბორუსიას” სპორტულმა დირექტორმა, მიხაილ ზორჩმა და დაამატა, რომ “პაკო ძალიან მაღალი დონის ფეხბურთელია და უკვე რამდენიმე მნიშვნელოვანი მატჩის ბედი გადაგვიწყვიტა. მომავალ წლებში მისგან კიდევ უფრო მეტს ველით.”

ტრანსფერთან დაკავშირებით კომენტარი თავად ფეხბურთელმაც გააკეთა:

“ბორუსიაში” ძალიან ბედნიერი ვარ. აქ წამოსვლა ჩემთვის სწორი გადაწყვეტილება იყო. მადლობას გიხდით ნდობისთვის და აქ წარმატების მისაღწევად ყველაფერს გავაკეთებთ!”

“ბარსელონა” ალკასერის სანაცვლოდ 30 მილიონ ევროს მიიღებს.