ჟერარ პიკე რეფერენდუმს მხარს უჭერს

როგორც იცით, კატალონიის მთავრობა კვირას, 1 ოქტომბერს დამოუკიდებლობასთან დაკავშირებით რეფერენდუმის ჩატარებას აპირებს, რომელსაც ოფიციალური მადრიდი უკანონოდ ცნობს.

გამოკითხვებზე დაყრდნობით რეგიონის მოსახლეობის უფრო დიდი ნაწილი დამოუკიდებლობას ემხრობა. სავარაუდოდ, მათ შორისაა "ბარსელონას" მცველი, ჟერარ პიკე, რომელმაც რეფერენდუმს მხარი სოციალურ ქსელში დაუჭირა.

"დღეიდან კვირის ჩათვლით, ჩვენს აზრს მშვიდობიანად დავაფიქსირებთ. ნუ მისცემთ მათ ნურაფრის მიზეზს, განსაკუთრებით იმას, რაც მათ უნდათ. ჩვენი ხმა იქნება ხმამაღალი და ძლიერი." - წერს პიკე საკუთარ ტვიტერის პოსტში.

შეგახსენებთ იმასაც, რომ სწორედ 1 ოქტომბრის საღამოსაა დაგეგმილი ლა ლიგის მე-7 ტურის შეხვედრა "ბარსელონას" და "ლას პალმასს" შორის და მიმდინარე მოვლენების გამო გამორიცხული არაა, რომ მატჩის გადადება გახდეს საჭირო.