ნეიმარის მამა: "ბარსელონამ" ჩემი მხარდაჭერა დაკარგა
ნეიმარის მამა კომენტარს აკეთებს "ბარსელონას" გადაწყვეტილებაზე, რომლის თანახმადაც, ბრაზილიელი 26 მილიონ ევროს ვერ მიიღებს.
"თანხა არ გადამიხადეს და ვერაფერს ვიზამდი. შანტაჟს ხომ არ დავიწყებდი. ამის შემდეგ, "ბარსელონამ" ჩემი მხარდაჭერა დაკარგა. მათ უნდოდათ, რომ ჩემი შვილი დარჩენაზე დამეთანხმებინა, მაგრამ ხელმძღვანელობის მხრიდან ასეთი დამოკიდებულების შემდეგ...
ბონუსის პუნქტი კონტრაქტის ნაწილი იყო. სწორედ ამ პუნქტის ხარჯზე გაიზარდა გამოსასყიდი თანხა. თუმცა, თუ ხალხი შეთანხმებას პატივს არ სცემს, მაშინ მე მათ ვერაფერს ვუბრძანებ." - ციტირებს ნეიმარ უფროსის სიტყვებს AS.
ნეიმარის მამა იმ 26 მილიონზე საუბრობს, რომელიც მას კონტრაქტის გახანგრძლივების სანაცვლოდ წელს უნდა მიეღო. თუმცა, "ბარსელონას" პრესმდივნის, ჟოზეპ ვივესის განცხადებით, ბრაზილიურმა მხარემ ამ თანხის მიღებისთვის საჭირო პირობები არ შეასრულა.
ამ სიახლეზე კომენტარები გათიშულია.
კომენტარები [ 17 ]