“ბარსელონა” ხოსე არნაისს სანახევროდ გაყიდის

“ბარსელონა” კლუბის 23 წლის შემტევის, ხოსე არნაისის სატრანსფერო უფლებების 50%-ს “ლეგანესს” 6 მილიონ ევროდ მიჰყიდის. ამ ინფორმაციას Onda Cero და Marca ავრცელებენ.

წყაროს ცნობით, არნაისი, მომდევნო სეზონში, მადრიდულ გუნდში ითამაშებს, კატალონიელები კი მისი სატრანსფერო უფლებების ნახევარს შეინარჩუნებენ.

ხოსე არნაისი “ბარსელონას” გასულ ზაფხულში “ვალიადოლიდიდან” შეუერთდა. “ბარსა ბ”-ს მაისურით მან 20-ჯერ ითამაშა და 6 გოლი გაიტანა. პირველ გუნდში ჩატარებულ 5 მატჩში ფეხბურთელმა თავი 3 გოლით გამოიჩინა, სამივეჯერ ესპანეთის თასზე.