"ვალენსია" კანსელოს შენარჩუნებას შეეცდება

ესპანურმა მედიამ პორტუგალიის ეროვნული ნაკრებისა და "ვალენსიას" განაპირა მცველი, ჟოაუ კანსელუ კატალონიის "ბარსელონას" არაერთხელ დაუკავშირა.

გავრცელებული ინფორმაციის თანახმად, "ვალენსია" კანსელუს შენარჩუნებას შეეცდება. პორტუგალიელს გაზრდილ ანაზღაურებას შესთავაზებენ იმის სანაცვლოდ, რომ "ბარსელონას" არ შეუერთდეს. კატალონიური კლუბი მცველის მიმართ უკვე დიდი ხანია ავლენს ინტერესს.

კანსელოს კონტრაქტი "ვალენსიასთან" 2021 წლამდეა გათვლილი. მისი გამოსასყიდი თანხა 30 მილიონ ევროს შეადგეს. ადრე მედიამ დაწერა, რომ "ღამურები" მზად არიან "ბარსელონასთან" მოლაპარაკებები დაიწყონ.