მოზესი "ბარსელონაში" თამაშზე ოცნებობს

ლონდონის "ჩელსის" 25 წლის ნიგერიელმა ნახევარმცველმა, ვიქტორ მოზესმა აღიარა, რომ მომავალში კატალონიის "ბარსელონაში" თამაშზე ოცნებობს.

"თავდაუზოგავად ვშრომობდი იმისთვის, რომ პროფესიონალი ფეხბურთელი გავმხდარიყავი. ბავშვობაში ფეხსაცმელი არ მქონდა, მაგრამ ამის გამო თამაში არ შემიწყვეტია. ახლა შემიძლია ღმერთს ყველაფრისთვის მადლობა გადავუხადო. თუ ასე გავაგრძელებ, ვფიქრობ შევძლებ ჩემი ოცნების ახდენას - "ბარსელონაში" თამაშს." - განაცხადა მოზესმა.