მასკერანომ ჟურნალისტებს უხეშად მიმართა
არგენტინის ეროვნული ნაკრების ნახევარმცველი, ხავიერ მასკერანო 6 ნოემბერს შესამჩნევი იყო, როგორც მოედანზე, ასევე მის ფარგლებს გარეთ.
მინდორზე მან შესანიშნავი თამაშის დემონსტრირება შეძლო. "ბარსელონამ" გამარჯვება მოიპოვა, რაშიც ხავიერს დიდი წვლილი მიუძღვის. შხაპის მიღების შემდეგ, მედიამ საერთო ზონაში მასკერანოსთან დალაპარაკება სცადა. ჩვეულებრივ, არგენტინელი ნახევარმცველი მეგობრულია და ბევრს საუბრობს.
ყველასთვის მოულოდნელად, მასკერანომ Radio Marca-სა და Catalunya Radio-ს წარმომადგენლებს უხეშად მიმართა: "არც დღეს, არც არასდროს." - თქვა ფეხბურთელმა მაშინ, როცა მედიამ მასთან კომუნიკაციის დამყარება სცადა.
მიზეზი უცნობია, მაგრამ მასკერანო აშკარად გაბრაზებული იყო. მისი ეს საქციელი ხალხში სადებატო თემად იქცა. საზოგადოების ნაწილის აზრით, არგენტინელი უკმაყოფილოა იმით, რომ მის თამაშს კვლავ აკრიტიკებენ.
რაც არ უნდა იყოს, მომხდარის მიზეზი მხოლოდ მასკერანომ იცის. პრობლემა რეალურად არსებობს.
ამ სიახლეზე კომენტარები გათიშულია.
კომენტარები [ 3 ]