დიბალა: "ხალხი არგენტინისგან "ბარსელონას" დონეზე თამაშს ელის"

არგენტინის ეროვნული ნაკრების თავდამსხმელი პაულო დიბალა უკმაყოფილოა იმით, რომ "ალბისელესტეს" გულშემატკივრები, ნაციონალური გუნდისგან ყოველთვის ძალიან მაღალ დონეზე თამაშს მოითხოვენ. გუშინდელ შეხვედრაში ედგარდო ბაუსას კოლექტივი პარაგვაისთან 0:1 დამარცხდა.

აღსანიშნავია, რომ კატალონიის "ბარსელონა" ნიჭიერი ახალგაზრდა შემტევისთვის მაღალ დონეზე თამაშთან ასოცირდება.

"გუნდმა ძალიან კარგად ითამაშა, მაგრამ ხალხი არგენტინისგან "ბარსელონას" დონეზე გამოსვლას მოელის. ეს ჩვენთვის არასასიამოვნო მომენტია." - ციტირებს პაულო დიბალას სიტყვებს TyC Sports.