"ბარსელონა"-"ალავესი" 1:2 - ფეხბურთელთა შეფასებები
გთავაზობთ "ბარსელონასა" და "ალავესს" შორის გამართულ მატჩში კატალონიური გუნდის ფეხბურთელების შეფასებებს Sport-ის მიხედვით. ყველაზე ცუდი შეფასება ხავიერ მასკერანომ მიიღო, ხოლო ყველაზე კარგი - მესიმ და გოლის ავტორმა მატიემ.
სილესენი -5
პირველი გოლის დროს ის ვერაფერს იზამდა, მაგრამ ჰოლანდიელს მე-2 დარტყმულის აღება შეეძლო. ის ბურთს შეწვდა კიდეც.
ვიდალი - 4
მარჯვენა ფლანგზე აქტიური, მაგრამ არაპროდუქტიული. პასის დროს სიზუსტე აკლდა. მისგან მეტი მოითხოვება.
მასკერანო - 3
არგენტინელმა საშინელი თამაში ჩაატარა. მას ბრალი "ალავესის" ორივე გოლში მიუძღვის. პირველ შემთხვევაში, მან დეივერსონი ვერ აიყვანა, მეორეში კი, მეტოქის შეტევა სწორედ მის შეცდომას მოჰყვა.
მატიე - 6
ფრანგმა მცველმა ანგარიში თავური დარტყმით გაათანაბრა. რამდენმე წუთში, მას მეორე გოლის გატანაც შეეძლო, მაგრამ, სამწუხაროდ, ეს ვერ მოახერხა.
დინი - 5
გაუბედავად ითამაშა. ფრანგი მცველი იმაზე ნაკლებად ზუსტი იყო, ვიდრე სუპერ თასზე "სევილიასთან". შესაძლოა, ამის მიზეზი ისაა, რომ მას ფლანგზე უკვე ნეიმარი ჰყავდა. მე-2 ტაიმში მოუმატა, მაგრამ არა საკმარისად.
ბუსკეტსი - 5
ამ თამაშში გუნდს უკაპიტნა და ის "ლა მასიას" ერთადერთი აღზრდილია, რომელიც სასტარტო შემადგენლობაში იყო. უფრო მეტად დაცვაზე იყო ორიენტირებული, ვიდრე შეტევაზე. წინ მყოფი ნეიმარისგან განცალკევებით თამაშობდა.
რაკიტიჩი - 5
ხორვატმა ნახევარმცველმა გოლის გატანის რამდენიმე კარგი შანსი გაუშვა ხელიდან.
დენის სუარესი - 5
არაფრით გამორჩეული თამაში. ცდილობდა პასები ხაზებს შორის გაეკეთებინა, მაგრამ მისი ეს მცდელობები ჩანასახიდანვე წარუმატებელი იყო. "ალავესის" პირველი გოლის დროს, მან კიკო ფემენიას ჩაწოდებაში ხელი ვერ შეუშალა. თამაში, რომელიც დენისმა უნდა დაივიწყოს.
თურანი - 5
აკლდა დინამიკა, რომელიც მან ბოლო თამაშებში გვიჩვენა. შემტევ პარტნიორებთან შეთამაშება აკლდა.
ალკასერი - 4
გუნდის ახალწვეულს ადაპტაცია ჯერ აშკარად არ გაუვლია. მას თანაგუნდელებთან შეთანხმებულად მოქმედება უჭირდა. ის მეტოქისთვის საფრთხეს თითქმის არ წარმოადგენდა. ამ თავდამსხმელის გახსნას ჯერ კიდევ უნდა დაველოდოთ.
ნეიმარი - 5
ყველაზე დინამიური ფეხბურთელი, მაგრამ თანაგუნდელებმა მას ამაში მხარი ვერ აუბეს. მესის შემოსვლამდე, მთელ მოედანზე გადაადგილდებოდა, ამის შემდეგ კი, ის თავის მარცხენა ფლანგზე დაბრუნდა.
მესი - 6
ბევრს ეცადა, მაგრამ დრო არ ეყო. შეხვედრის ბოლო მომენტი მას შეექმნა, მაგრამ არგენტინელმა არაზუსტად დაარტყა.
ინიესტა - 5
მოედანზე შესვლის შემდეგ, გუნდის გამოცოცხლება ვერ მოახერხა.
ლუის სუარესი - 5
ურუგვაელი თავდამსხმელი მეტოქის საჯარიმოში ბურთს არ შეხებია.
ამ სიახლეზე კომენტარები გათიშულია.
კომენტარები [ 8 ]