პაკო ალკასერმა მისი ფანები ხელცარიელი დატოვა
როგორც Sport-ი იუწყება, "ვალენსიას" 22 წლის ესპანელმა თავდამსხმელმა, პაკო ალკასერმა, მისი ფანები ხელცარიელი დატოვა.
მართალია მისი "ბარსელონაში" ტრანსფერი ბოლომდე დადასტურებული არაა, თუმცა ფეხბურთელზე გავლენა ამ ყველაფერმა უკვე მოახდინა.
ყოველთვის, როდესაც ვარჯიში სრულდებოდაა, ალკასერი ჩერდებოდა მანქანით სავარჯიშო მოედნის წინ და ფანებთან ერთად ფოტოებს იღებდა, ავტოგრაფს იძლეოდა და ყველაფერს აკეთებდა იმისთვის, რომ ფანები გაეხარებინა.
უკანასკნელი ვარჯიშის შემდეგ კი ალკასერი უბრალოდ მანქანაში ჩაჯდა, აუჩქარა და მოედნის გარეთ მყოფი ფანები ხელცარიელი დატოვა.
ესპანელმა ვარჯიში თანაგუნდელებთან ერთად უპრობლემოდ ჩაატარა და არც გუნდს დამშვიდობებია ჯერ-ჯერობით.
გავრცელებული ინფორმაციით, ტრანსფერი შესაძლაო რამდენიმე დღით გადაიდოს, რაც უმეტესწილად "ვალენსიას" ინიციატივა იქნება.
ამ სიახლეზე კომენტარები გათიშულია.
კომენტარები [ 6 ]