ლუის სუარესის 7 მოგონება ლივეპულთან დაკავშირებით

როგორც იცით დღეს "ბარსელონა" "ლივერპულს" დაუპირისპირდება. "ბარსას" ურუგვაელი ფორვარდისათვის ეს მატჩი განსაკუთრებული იქნება. კატალონიაში გადმობარგებამდე სუარესი "ლივერპულის" ღირსებას იცავდა და კლუბის ისტორიაში, როგორც ერთ-ერთი გამორჩეული ფეხბურთელი ისე ჩაიწერება.

ფეხბურთელის დებიუტი მერსისაიდულ გუნდში 2011 წლის თებერვალში შედგა. პირველ მატჩში სუარესი "სტოკ სითის" დაუპირისპირდა და მოედანზე შემოსვლიდან 15 წუთში პირველი გოლიც გაიტანა.

ურუგვაელს არაერთი მოგონება აკავშირებს "ლუვერპულთან", მათ შორის ბევრი იყო როგორც კარგი, ასევე ცუდი. გთავაზობთ 7 მოგონებას, რომელიც სუარესს ცხოვრების ბოლომდე ემახსოვრება.

1. ნათმეგი და გოლი სტოკის წინააღმდეგ.

2011/12 წლის სეზონში სუარესმა თავი 11 ჯერ გამოიჩინა. ერთი გოლი კი მისთვის ორმაგად სამახსოვროა. პირველ რიგში ის იყო მისი პირველი გოლი "ლივერპულის" მაისურით, მეორე რიგში კი თავად გოლი იყო ულამაზესი.

2. დაპირისპირება პატრის ევრასთან.

2011 წლის ოქტომბერში, როგორც სხვადასხვა წყარო იუწყება, სუარესმა ევრას რასისტულად მიმართა. ეს ფაქტი კიდევ უფრო გამძაფრდა, როდესაც ურუგვაელმა ფრანგზე ხელის ჩამორთმევა იუარა.

3. გოლი "ნიუკასლის" კარში.

ულამაზესი გოლი, რომელიც სუარესმა ერთი შეხედვით ადვილად გაიტანა, თუმცა შესასრულებლად ძალიან რთული იყო. შორეული გადაცემა ფეხბურთელმა მკერდით მიიღო, მეკარე მოატყუა და კარში შეაგორა.

4. "ნორვიჩი"

"ნორვიჩი" სუარესის საყვარელი მეტოქე იყო. ურუგვაელმა ფორვარდმა 6 მატჩის განმავლობაში, მათ კარში 12 ჯერ გაიატანა.

5. ბრანისლავ ივანოვიჩზე კბენა

"ჩელსისთან" თამაშისას სუარესს ნერვებმა უმტყუნა და ბრანისლავ ივანოვიჩს უკბინა, რის შედეგადაც 10-მატჩიანი დისკვალიფიკაციით დაისაჯა.

6. უძლიერესი თავური

"ვესტ ბრომვიჩის" წინააღმდეგ სუარესმა უძლიერესი გოლი გაიტანა თავური დარტყმით. "ენფილდზე" მისულ გულშემატკივრებს ასეთი სიძლიერის თავური არასოდეს უნახავთ.

7. დრიბლინგი და გოლი დერბიში

"ევერტონის" წინააღმდეგ თამაშისას, სუარსმა არაჩვეულებრივი სოლო გოლი გაიტანა. ფეხბურთელმა მთელი მოედნის ორ-მესამედზე მეტი გაირბინა და მეკარისაგან მარცხენა დაბალ კუთხეში მოათავსა ბურთი.