"ბარსელონა" მესისთან კონტრაქტის გახანგრძლივებას გეგმავს

კატალონიური Sport-ის მიერ გავრცელებული ინფორმაციის თანახმად, "ბარსელონა" არგენტინელ ვარსკვლავთან, ლიონელ მესისთან განშორებას კიდევ დიდი ხანი არ აპირებს.

წყაროს ცნობით, კატალონიურ კლუბში დიდი სურვილი აქვთ, რომ 28 წლის ფეხბურთელმა კარიერა "ბარსაში" დაასრულოს და მისთვის ახალ კონტრაქტს ამზადებენ. კატალონიელები აპირებენ, მესის ხელშეკრულების გახანგრძლივება 2022 წლამდე შესთავაზონ. თუ არგენტინელი ამ შეთავაზებას მიიღებს, ის "ბარსელონაში" მინიმუმ 35 წლამდე ითამაშებს.

ლეო მესის "ბარსასთან" მიმდინარე კონტრაქტი 2018 წლის ზაფხულში ეწურება.