„კლასიკოზე“ პიკემ ყველაზე მაღალი სიჩქარე განავითარა, რობერტომ კი ყველაზე მეტი დაფარა

მადრიდის “რეალს” “ელ კლასიკომდე” დასასვენებლად 1 დღით მეტი ჰქონდა ვიდრე “ბარსელონას”, მაგრამ ეს საკამარისი არ აღმოჩნდა იმისთვის, რომ რომელიმე კატალონიელზე დიდი სიჩქარე განევითარებინა “რეალის” რომელიმე ფეხბურთელს ან რომელიმეზე მეტი ერბინა.

ლა ლიგამ თამაშის ოფიციალური მონაცემები გამოაქვეყნა. ამ მონაცემებიდან ვიგებთ, რომ “ბარსელონამ” 105.46 კილომეტრი ირბინა, “რეალმა” – 98.75, მაგრამ გასათვალისწინებელია ის ფაქტი, რომ მადრიდელებმა ბოლო 15 წუთი კაცნაკლულებმი დარჩნენ.

“ბარსელონადან” ყველაზე მეტი სერჟი რობერტომ ირბინა – 12.07 კმ. ეს საუკეთესო შედეგია ორივე გუნდიდან. “ბარსელონაში” ამ მხრივ მეორეა ივან რაკიტიჩი – ხორვატმა 11.48 კილომეტრი დაფარა. მესამე ადგილზეა მარცხენა მცველი ხორდი ალბა – 11.30 კმ.

“რეალიდან” გამოირჩა ტონი კროოსი (10.93 კმ), დანი კარვახალი(10.29 კმ) და ლუკა მოდრიჩი (9.72 კმ).

ყველასგან გასაკვირად, ორივე გუნდებს შორის ყველაზე დიდი სიჩქარე ხერარდ პიკემ განავითარა – 33.33 კმ/სთ. მას მოჰყვება “რეალის” 5 ფეხბურთელი – მარკო ასენსიო (33.2 კმ/სთ), კრიშტიანუ რონალდუ (33.14 კმ/სთ), მატეო კოვაკიჩი (32.98 კმ/სთ), ტონი კროოსი (32.78 კმ/სთ) და დანი კარვახალი (32.76 კმ/სთ). მათ შემდეგ მოდის მატჩის გმირი ლეო მესი – 32.59 კმ/სთ.

მატჩის ყველაზე 3 ნელი ფეხბურთელი: ანდრეს ინიესტა (28.67 კმ/სთ), ნაჩო ფერნანდესი (28.63 კმ/სთ) და რაკიტიჩი (27.87 კმ/სთ).