ლიპი: „გვარდიოლამ ფეხბურთის ისტორიაში საუკეთესო გუნდები შექმნა“
ტურინის "იუვენტუსისა" და იტალიის ეროვნული ნაკრების ყოფილმა მწვრთნელმა მარჩელო ლიპიმ პრესასთან ინტერვიუში მიუნხენის "ბაიერნის" ესპანელ მწვრთნელზე, პეპ გვარდიოლაზე ისაუბრა. იტყობინება, La Gazzeta Dello Sport.
"ხოსეპ გვარდიოლა ქმნიდა და წვრთნიდა საუკეთესო გუნდებს ფეხბურთის ისტორიაში. სანამ ის "ბაიერნს" ჩაიბარებდა ესპანეთში, "ბარსელონაში" მუშაობდა, სადაც ყველა მწვერვალი დაიპყრო და დიდ წარმატებებსაც მიაღწია. ბევრი დღემდე თვლის, რომ გვარდიოლამ "ლურჯ-ბროწეულისფრებში" ლეგენდარული იოჰან კრუიფის ფილოსოფია კიდევ უფრო განავითარა. მიუნხენის "ბაიერნში" პეპმა ზედიზედ ორჯერ მოიგო ბუნდესლიგა და ეჭვიც არავის ეპარება, რომ ამას 2015/2016 სეზონშიც მოახერხებს." - განაცხადა, ლიპიმ.
შეგახსენებთ, რომ პეპ გვარდიოლა "ბარსელონას" მთავარი მწვრთნელის პოსტზე 2008-2012 წლებში მუშაობდა.
ამ სიახლეზე კომენტარები გათიშულია.
კომენტარები [ 5 ]