ალვესი: "რონალდუ სამეულში მოხვედრას არ იმსახურებდა, ისკო კი ძალიან მომწონს"
"ბარსელონასა" და ბრაზილიის ეროვნული ნაკრების მარჯვენა მცველი დანი ალვესი მიიჩნევს, რომ კრიშტიანუ რონალდუ მსოფლიოს სამ საუკეთესო ფეხბურთელს შორის დაუმსახურებლად მოხვდა.
"მესი ყველა დანარჩენს აღემატება, მეორე ადგილზე კი ნეიმარია. ჩემი აზრით, რონალდუ "ოქროს ბურთის" ფინალისტებს შორის დაუმსახურებლად მოხვდა. გასულ წელს, მან ეს ჯილდო დამსახურებულად მიიღო, რადგან მნიშვნელოვან წარმატებებს მიაღწია, მაგრამ მსოფლიოს საუკეთესო ფეხბურთელს თამაშზე მეტი გავლენა უნდა ჰქონდეს და მას უბრალოდ გოლები არ უნდა გაჰქონდეს. ხალხს ავიწყდება, რომ ფეხბურთი გუნდური სპორტია."
ალვესმა კომენტარი "რეალის" კიდევ ერთ ფეხბურთელზე, ისკოზე გააკეთა. შეგახსენებთ, რომ ეს უკანასკნელი, ნეიმართან უხეშობის გამო, ბოლო "კლასიკოში" მოედნიდან გააძევეს. "ისკო "რეალის" იმ მცირერიცხოვან ფეხბურთელებს შორის შედის, რომელსაც ამას ვაპატიებდი. ის იმდენად მომწონს, რომ შემიძლია ნებისმერი რამ ვაპატიო. ზოგჯერ ხდება, რომ საკუთარ თავზე კონტროლს ვკარგავთ და მის შემთხვევაშიც ეს მოხდა."
ამ სიახლეზე კომენტარები გათიშულია.
კომენტარები [ 47 ]