"ბარსელონა" საქართველოს საზღვართან საწვრთნელ ბანაკს გახსნის

საფეხბურთო კლუბი "ბარსელონა", უახლოეს მომავალში, საქართველოს საზღვართან ახლოს, კერძოდ კი ქალაქ სოჭში საწვრთნელ ბანაკს გახსნის. ამ ინფორმაციას კატალონიელთა ოფიციალური საიტი ავრცელებს.

სოჭში საწვრთნელი ბანაკის გახსნის გადაწყვეტილება კლუბის დირექტორთა საბჭოს წევრებმა მიიღეს. ივარაუდება, რომ პროექტი ზაფხულში განხორციელდება.

როგორც იცით, ქალაქი სოჭი საქართველოს, კონკრეტულად კი აფხაზეთის ავტონომიური ოლქის საზღვართან მდებარეობს. ეს ტერიტორია, საუკუნეების განმავლობაში, ქართველ მეფეთა მფლობელობაში იყო.