“ატლეტიკოს” ფრანგი ფეხბურთელი მადრიდულ დერბიში მოპოვებული გამარჯვების შემდეგ კომენტარს აკეთებს.
მოგეხსენებათ, ესპანეთის ჩემპიონატის მიმდინარე ტურში “რეალმა” საკუთარ მოედანზე “ატლეტიკოს” უმასპინძლა და ანგარიშით 0-1 დამარცხდა.
“ამ მოგების შემდეგ თავს შესანიშნავად ვგრძნობ. გასამარჯვებლად ყველაფერი გავაკეთეთ. როგორია “სანტიაგო ბერნაბეუზე” გატანა? ძალიან მნიშვნელოვანია. ბედნიერი ვარ”, – ამბობს ანტუან გრიზმანი.
“ესპანეთის ჩემპიონობისთვის ბრძოლას ვაგრძელებთ. ვნახოთ, რა იქნება. უნდა მოვიგოთ და “ბარსელონას” შეცდომას დაველოდოთ”, – განაცხადა ფრანგმა შემტევმა.
