“ვალენსიას” ნახევარმცველი დანი პარეხო, “ბარსელონასთან” ჩატარებული მატჩით ბედნიერია. “ღამურებმა” “კამპ ნოუზე” “ბარსელონას” დამარცხება შეძლეს ანგარიშით 2:3, თავად პარეხომ კი ერთი გოლის გატანა მოახერხა. მიხი თქმით, “ვალენსია” ბარსელონაში სამი ქულის მოსაპოვებლად ჩამოვიდა და თავის მიზანს მიაღწია.
“შესანიშნავი დღე. ყველა ბედნიერი იქნება “კამპ ნოუზე” გამარჯვების შემდეგ. ჩვენ გვსურდა, რომ კარგი ფეხბურთი გვეჩვენებინა და ეს მოვახერხეთ. “ვალენსია” ბარსელონაში სამი ქულისთვის ჩამოვიდა და თავის მიზანს მიაღწია. დარწმუნებული ვარ, რომ ეს გუნდს მეტ ენერგიას შემატებს”, – ციტირებს პარეხოს სიტყვებს AS.
