ლამინ იამალი, დიდი ალბათობით, კიდევ ერთი მიღწევის ავტორი გახდება. ის ახლოსაა, მსოფლიო ჩემპიონატის ფინალების ისტორიაში მესამე ყველაზე ახალგაზრდა ფეხბურთელი გახდეს. ლამინი 19 წლისა და 6 დღისაა, მასზე ახალგაზრდა ასაკში კი ფინალში მხოლოდ პელესა და ჯუზეპე ბერგომის აქვთ ნათამაშები. კიდევ ერთი ფეხბურთელი, რომელიც ფინალში მოთამაშე ყველაზე ახალგაზრდა მოთამაშეების სიაში შეიძლება შევიდეს, პაუ კუბარსია. ნიუ-იორკში თამაშის შემთხვევაში, ის ამ რეიტინგში მეოთხე ადგილს დაიკავებს.
ნომერი 10 სამეულში იქნება
რომელ ტურნირზეც არ უნდა ითამაშოს, ლამინ იამალი თავის კვალს ყველგან ტოვებს. ლა ლიგაში, ჩემპიონთა ლიგაზე, კოპა დელ რეიზე, ესპანეთის სუპერ თასსა და ევროპის ჩემპიონატზე კატალონიელმა თავისი ტალანტი ადრეული ასაკიდანვე აჩვენა. ახლა კი მსოფლიო ჩემპიონატი პოტენციური ახალი მიღწევის პლატფორმაა, რადგან “ბარსელონას” 10 ნომერი შესაძლოა მუნდიალის ფინალების ისტორიაში მესამე ყველაზე ახალგაზრდა მოთამაშე გახდეს.
დიდი მოულოდნელობა იქნება, თუ “ლა მასიას” აღზრდილი კვირას, ნიუ-იორკში გასამართ ფინალში მოედანზე არ გავა, რადგან ტურნირზე მან ესპანეთის ნაკრების ყველა მატჩში მიიღო მონაწილეობა. მისი თამაში ნიშნავს, რომ ის კილიან მბაპეს გადაასწრებს, რომელიც ამჟამად მესამე ადგილს იკავებს.
ცენტრალური მცველი მეოთხე ადგილზე
თუმცა, მბაპეს პოზიციას საფრთხეს ამ მსოფლიო ჩემპიონატის ერთ-ერთი საუკეთესო მოთამაშე, პაუ კუბარსიც უქმნის. კატალონიელი მცველი მუნდიალზე უბრალოდ დაუჯერბელად თამაშობს. ლუის დე ლა ფუენტეს გუნდში მან ყველა მატჩი სასტარტო შემადგენლობაში დაიწყო და შეუცვლელად ითამაშა. საიმედო დაცვა ერთ-ერთი მთავარი მიზეზია იმისა, რომ ესპანეთმა მთელი ტურნირის განმავლობაში მხოლოდ ერთი გოლი გაუშვა.
ყველაფერი მიუთითებს იმაზე, რომ კუბარსი ფინალსაც ძირითადიდან დაიწყებს, რაც მას მსოფლიო ჩემპიონატის ფინალების ისტორიაში მეოთხე ყველაზე ახალგაზრდა ფეხბურთელად (19 წლისა და 178 დღის) აქცევს. შესაბამისად, მბაპეს ისიც გადაასწრებს. ახალგაზრდობა როგორც “ბარსელონაში”, ისე ესპანეთის ნაკრებში წინა პლანზე რჩება. “ბლაუგრანას” აწმყო და მომავალი საიმედო ხელში ჩანს.
კანავაროს მერე მე ჯერ არ მინახავს მცველს ასე ეთამაშოს მსოფლიოზე.19 წლის პროფესორია ჯერ მარტო სიმაღლეში რომ იჩაგრება და კორპუსით უგებს ეგა მოვლენა 😂😂😂
ჩემი დიდი პატივისცემის მიუხედავად მესის ძააან გამიხარდება თუ ესენი მოიგებენ ფინალს მესი ისედაც ლეგენდააა და ისტორიაში საკუეთესო ფეხბურთელი დაიმსახურა ამ ესპანეთმა ჩემპიონობა პორტუგალია ბელგია საფრანგეთი ჩემი აზრით ბელგიას რო თავი დავანებოთ რეალურად ორი სერიოზული კანდიდატი გამოთიშეს ჩემპიონატს და მითუმეტეს გუშნდელი თამაშიდან გამომდინარე საფრანგეთთან რაც ითამაშეს მეეჭვება არგენტინას შანსი ქონდეს ( თუმცა ჯერ ფინალშ გავიდეს არგენტინა არაა ინგლისი ხელწამოსაკრავი ნაკრები )
თუ ფინალამდე მიდიხარ, ტაკშტო იმსახურებ, თუ დღეს გავა არგენტინა ფინალში და იქ ესპანეთს მოუგებს რა დაუმსახურებელი იქნება? კი ბატონო აქვს მსოფლიო, მარა არც მეორე აწყენდა, მითუმეტეს რო 39 წლის ასაკში აქვს ტიპს ამის შანსი და თან საუკეთესო ბომბარდირია.