„ბარსელონა“-„სელტიკი“ – ეს საინტერესოა

გთავაზობთ იმ საინტერესო ფაქტების ჩამონათვალს, რომლებიც “ბარსელონასა” და “სელტიკს” შორის გასამართი საჩემპიონთალიგო მატჩის წინ უნდა იცოდეთ.

• “ბარსელონას”, ჩემპიონთა ლიგის ბოლო 9 თამაშში მხოლოდ 3 მოგება აქვს.
• “ბარსელონასა” და “სელტიკს” შორის გამართული ბოლო 5 დაპირისპირებიდან 4 კატალონიელებმა მოიგეს.
• “სელტიკმა” ჩემპიონთა ლიგის ბოლო 5 თამაშიდან 4 წააგო და შოტლანდიელებს გოლი არცერთ ამ მატჩში არ გაუტანიათ.
• “სელტიკის” მიერ ჩემპიონთა ლიგაზე ჩატარებული ბოლო 12 თამაშიდან ფრედ არცერთი დასრულებულა.
• ჩემპიონთა ლიგის მიმდინარე სეზონში “სელტიკის” ფეხბურთელების დარტყმებიდან კარში მხოლოდ 37% წავიდა. ამაზე უარესი შედეგი მხოლოდ “აუსტრიას” (27%) აქვს.
• ამ გუნდებს შორის ჩატარებულ წინა თამაშში “ბარსელონას” ბურთის ფლობის მაჩვენებელი 82% იყო, რაც მიმდინარე გათამაშების საუკეთესო შედეგია.
• ბოლო ორ სეზონში, “ბარსელონას” ჩემპიონთა ლიგის მატჩში ბურთის ფლობა 80% ან მეტი 3-ჯერ ჰქონდა. სამივეჯერ “სელტიკთან” დაპირისპირებაში.
• “ბარსელონამ” მეტოქეებს კარში დარტყმის საშუალება მხოლოდ 34-ჯერ მისცა, რაც მიმდინარე გათამაშებაში საუკეთესო შედეგია.
• “სელტიკი” ერთადერთი გუნდია, რომლის ფეხბურთელებმაც პირველ 5 ტურში 2 წითელი ბარათი მიიღეს.
• ნეიმარს 14 დარტყმაში გოლი არ აქვს გატანილი. მიმდინარე გათამაშებაში მასზე ცუდი შედეგი მხოლოდ კარლოს ტევესს აქვს – 15 დარტყმა და 0 გოლი.