გამოცდილი პორტუგალიელი ნახევარმცველის, ბერნარდუ სილვას გარშემო სატრანსფერო საგა ახალ ფაზაში შედის. ავტორიტეტული ჟურნალისტის, ჟერარ რომეროსა და Jijantes FC-ის ინფორმაციით, ფეხბურთელი მადრიდის “ატლეტიკოში” გადასვლას სერიოზულად განიხილავს და ამ ეტაპზე ამ გუნდს პრიორიტეტს ანიჭებს.
რატომ “ატლეტიკო”? გრიზმანის როლი სიმეონეს გუნდში
ამ დროისთვის ბერნარდუ სილვა უპირატესობას დიეგო სიმეონეს გუნდს იმიტომ ანიჭებს, რომ მადრიდში მას წამყვან, ვარსკვლავურ როლს ჰპირდებიან. მსგავსი გარანტია მას “ბარსელონაში” პირველივე დღეებიდანვე არ ექნებოდა, რაც ფეხბურთელისთვის გადამწყვეტი ფაქტორი აღმოჩნდა. გავრცელებული ცნობით, “ატლეტიკოში” გადასვლის შემთხვევაში, პორტუგალიელი ანტუან გრიზმანის როლს გადაიბარებს.
ჟერარ რომერო: “ბარსელონას გეგმები არ იცვლება”
მიუხედავად იმისა, რომ კატალონიელები ფეხბურთელის მიმართ ინტერესს დიდი ხანია იჩენდნენ, ჟერარ რომეროს განცხადებით, ბერნარდუს ეს გადაწყვეტილება “ბარსელონას” სატრანსფერო გეგმებს საერთოდ არ ცვლის:
“ბარსელონასთვის” ბერნარდუ სილვა მხოლოდ ბაზარზე გამოჩენილი კარგი შესაძლებლობა იყო. ის კლუბის მომავალი სეზონის დაგეგმარების მთავარ ნაწილს არ წარმოადგენდა. კატალონიელთა სატრანსფერო რუკა მისი გადაწყვეტილებით არ იცვლება – ეს არ აისახება არც გუნდში ახალი ფეხბურთელების მოსვლაზე და არც წასვლაზე.
ამას თუ ბარსაში თამაშის შანსჯ აქვს და ატლეში წავა იმენა ქინძი ყოფილა😅😅