”ბარსელონას” საკალათბურთო კლუბის ახალწვეული, ჯოი დორსი, რომელმაც ანტე ტომიჩი უნდა ჩაანაცვლოს, ფანტასტიური მცველია და ასევე, ბრწყინვალედ მუშაობს მოედნის მეორე მხარეზეც. შემოგთავაზებთ, მისი კარიერის 7 გადამწყვეტ (უმნიშვნელოვანეს) მომენტს.
1. ჯოი დორსის საუკეთესო მატჩი ნბა-ში გაიმართა 2011 წლის 11 აპრილს ”ტორონტო რეპტორსით” მაისურით, ”მილუოკი ბაქსის” წინააღმდეგ. კალათბურთელმა არც ისე ბევრი, 10 ქულა გააკეთა და ამავდროულად, კალათიდან ასხლეტილი ბურთი 20-ჯერ მოხსნა.
2. დორსი, კალათბურთის გულშემატკივართა უმრავლესობისთვის ცნობილი, როგორც მხოლოდ კარგი მცველი, არადა მას შეტევაშიც მშვენივრად შეუძლია თამაში.
[media=http://www.youtube.com/watch?v=C1D-J57RTrE]
3. 2009/10 წლების სეზონი მან ”რიო გრანდეში” გაატარა (დ-ლიგაში) და წლის ბოლოს მისი საშუალო მონაცემები იყო 14,9 ქულა და 13,3 მოხსნა. 2012/13 წლების სეზონი კი მან ”გაზიანტეპში” გაატარა და საშუალოდ 16,1 ქულასა და 12,3 მოხსნას აკეთებდა.
4. ”გაზიანტეპში” გატარებული ხნის განმავლობაში, იგი ერთხელ თურქეთის All Star-ის საუკეთესო კალათბურთელად დასახელდა. ქვემოთ მოცემული ვიდეოები კი აჩვენებს მის ფანტასტიურ თამაშს ”ფენერბახჩეს” წინააღმდეგ, სადაც მან 20 ქულა და 12 მოხსნა გააკეთა.
[media=http://www.youtube.com/watch?v=xtk7N1rNVY4]
5. ”გაზიანტეპში” გადასვლამდე დორსი 2 ევროპული კლუბის ღირსებას იცავდა. 2011/12 წლების სეზონი მან ”ვიტორიაში” დაიწყო, ხოლო სეზონის უკანასკნელი ნაწილი მან ”ოლიმპიაკოსის” მაისურით ჩაატარა. აღსანიშნავია, რომ ბერძნულ კლუბთან ერთად მან ევროლიგის მოგებაც მოახერხა.
6. 2012/13 წლებში მან თურქეთის ლიგის საუკეთესო მცველის ტიტული მიიღო.
7. შეიძლება ბევრს უცნაურად მოგეჩვენოთ, თუმცა კოლეჯში იგი მემფისის ღირსებას იცავდა, მისი თანაგუნდელი კი ნბა-ს სუპერვარსკვლავი, დერიკ როუზი იყო.
