ჩემპიონთა ლიგის ცენტრალური შეხვედრის წინ “პარი სენ-ჟერმენის” 26 წლის პორტუგალიელმა ნახევარმცველმა ვიტინიამ ლამინ იამალის მისამართით საქებარი სიტყვები არ დაიშურა. პარიზელთა ერთ-ერთმა ლიდერმა კატალონიელი ტალანტის მასშტაბი ორ უმთავრეს ფავორიტს შორის გასამართი დაპირისპირების წინ ღიად აღიარა:
“ის შესანიშნავი მოთამაშეა, მსოფლიოში ერთ-ერთი საუკეთესო. რასაც ის აკეთებს, დაუჯერებელია”.
ამავდროულად, პორტუგალიის ნაკრების წევრმა ხაზგასმით აღნიშნა, რომ ჰანსი ფლიკის გუნდი მხოლოდ ახალგაზრდა ვარსკვლავით არ შემოიფარგლება და საფრთხე კოლექტიურია:
“ის განსაკუთრებულია, თუმცა დიდ გუნდს ვეთამაშებით და არა მხოლოდ ლამინს”.
ოქროს ბურთი და კანდიდატები
ვიტინიამ ლამინ იამალი მომდევნო “ოქროს ბურთის” პრეტენდენტთა შორისაც დაასახელა კილიან მბაპესა და მაიკლ ოლისესთან ერთად, თუმცა მიიჩნევს, რომ ტიტულს პსჟ-ს ფეხბურთელი იმსახურებს:
“ბევრ მოთამაშეს შეუძლია მისი მოგება: მბაპეს, ოლისეს, ლამინს… მაგრამ, როგორც უკვე ვთქვი, ვფიქრობ, ჩემპიონთა ლიგას უფრო დიდი წონა აქვს და ოქროს ბურთი პსჟ-ს ფეხბურთელმა უნდა მიიღოს. ყველაზე სამართლიანი პარიზელის გამარჯვება იქნებოდა”.
ტაქტიკური ბრძოლა და დაპირისპირება ცენტრში: პედრი და როდრი
პორტუგალიელი პლეიმეიკერი მსგავსი საფეხბურთო ფილოსოფიის მქონე ორ გრანდს შორის ურთულეს ტაქტიკურ ჯახს ელის:
“ჩვენ ვართ ორი გუნდი, რომელთაც ბურთის ფლობა სურთ და ძალიან საინტერესო იქნება იმის ნახვა, თუ ვინ შეძლებს თამაშის გაკონტროლებას ბურთის მეშვეობით. ორივე გუნდი უბურთოდ პრესინგს მიმართავს, ამიტომ ძალიან დაძაბული მატჩი იქნება. ეს მხოლოდ სამი ქულაა ლიგის ძალიან გრძელ ფაზაში”.
ვიტინიამ კარგად იცის, რამდენად რთული იქნება კატალონიელთა ნახევარდაცვის ბარიერის დაძლევა:
“მსოფლიოს ერთ-ერთ საუკეთესო ნახევარდაცვას ვუპირისპირდებით, ეს ფაქტია. მომწონს პედრი და როდრი, თუმცა ჩვენც გვსურს საკუთარი ფეხბურთის თამაში. ვნახოთ, როგორ მივუდგებით შეხვედრას და როგორ დავძლევთ იმ მძლავრ პრესინგს, რომელსაც ისინი მიმართავენ. ‘ბარსელონას’ განსაკუთრებული ფეხბურთელები ჰყავს, რომელთაც სხვაობის შექმნა შეუძლიათ, ამიტომ ძალიან მნიშვნელოვანი იქნება, როგორ განვახორციელებთ პრესინგს”.
უსმან დემბელეს ფაქტორი
დასასრულს, ვიტინიამ ყოფილი ბარსელონელის, უსმან დემბელეს ლიდერულ თვისებებზე გაამახვილა ყურადღება:
“უსმანი ძალიან კარგ კონდიციაშია, დარწმუნებული ვარ, შესანიშნავ მატჩს ჩაატარებს, ის მზადაა. ის ლიდერია. მან მნიშვნელოვან მატჩებში დაამტკიცა, რა შეუძლია და ვიმედოვნებთ, ახლაც შეძლებს ამის გაკეთებას”.
დღესაც აღგაფრთოვანებთ არ ინერვიულო
უსმანაა ლიდერი? 😂 მისი ლიდერობა არ გაიშვას.