„ბარსამ“ თვალი მარკინიოსს დაადგა

იტალიური პრესის ცნობით, “ბარსელონამ” თვალი “რომას” ახალგაზრდა ცენტრალურ მცველს, მარკინიოსს დაადგა.

ბრაზილიელი მცველი “რომაში” გასულ ზაფხულში გადავიდა და მიუხედავად იმისა, რომ ჯერ მხოლოდ 18 წლისაა, სეზონის ერთ-ერთ მთავარ აღმოჩენად იქცა. სერია A-ს 20 მატჩიდან, მარკინიოსმა 15-ში ითამაშა, ხოლო 12-ჯერ იგი ძირითად შემადგენლობაში იყო.

მარკინიოსის მონაცემებისთვის თვალის გადავლებით ცხადი ხდება, რომ თუ ბრაზილიელმა პროგრესირება განაგრძო, იგი “ბარსელონას” ნამდვილად გამოადგება. 18 წლის ფეხბურთელი სიმაღლეს არ უჩივის – ის 180 სანტიმეტრია. ამჟამად, “ბარსელონაში”, მასზე მაღალი მცველი მხოლოდ ხერარდ პიკეა. ბრაზილიელს არ უნდა გაუჭირდეს პასებზე აგებულ თამაშში თავის გამოჩენა. სერია A-ს მიმდინარე გათამაშებაში, მის მიერ გაკეთებული გადაცემების 89.3% ზუსტი გამოდგა, რაც გუნდში მე-4, ხოლო მთელს ჩემპიონატში მე-18 შედეგია. ახალგაზრდა ბრაზილიელი კარგად თამაშობს მე-2 სართულზე. 65 საჰაერო ორთაბრძოლიდან მან 36 მოიგო. თამაშში, საშუალოდ, მარკინიოს 2.4 საჰაერო ორთაბრძოლას იგებს, რაც გუნდში საუკეთესო მაჩვენებელია. მარკინიოსი ძლიერია ისეთ დაცვით ფუნქციებში, როგორიცაა ბურთის ართმევა (თამაშში საშუალოდ 3. გუნდში მე-2 და ჩემპიონატში მე-12 შედეგი) და დარტყმის ბლოკირება (თამაშში საშუალოდ 1. გუნდში საუკეთესო და ჩემპიონატში მე-5 შედეგი).

იტალიელი ჟურნალისტების ინფორმაციით, “რომა” მარკინიოსს დაახლოებით 8 მილიონი ევროს სანაცვლოდ შეელევა.