რონალდ კუმანი “ვალიადოლიდთან” მატჩის წინ

“ჩვენ უფრო სტანდარტულად თამაში გვმართებს. ბურთთან ერთად უკეთესად უნდა ვიმოქმედოთ და თამაშის მიმდინარეობისას მაქსიმალურად კონცენტრირებულნი ვიყოთ.”

“რაღაცები ცვლილებები შევიტანეთ, რის შედეგადაც ახალგაზრდა ფეხბურთელებს თამაშის საშუალება უფრო ხშირად აქვთ. ეს მომავლისათვის კარგია, მაგრამ, როდესაც “ბარსელონაში” თამაშობ, უნდა გაიმარჯვო კიდეც. ეს აუცილებელი პირობაა. დრო გვჭირდება, მაგრამ სირთულე სწორედ ისაა, რომ გამარჯვებები ამ დროის განმავლობაშიც უნდა მოვიპოვოთ.”

“მე მესისთან ინტერვიუ არ მჭირდება იმის გასაგებად, თუ რა სურს. მისნაირი წარმატებული მოთამაშისთვისაც რთული გადასატანია ზოგ შეხვედრაში წარუმატებლობა.”

“მსაჯების მიერ VAR-ის გამოყენების კრიტერიუმებს ვერ ვგებულობ. არსებობს აუხსნელი მომენტებიც და ყველამ ვიცით, თუ როგორ გრძელდება ბოლოს ეს ყოველივე.”

“მესის დამოკიდებულებასა და მონდომებას ყოველდღე ვხედავ. ის გუნდთან და თანაგუნდელებთან ერთადაა. არ ვიცი, თუ რა იქნება მომავალში.”

“სპორტულ საკითხებთან დაკავშირებით რამონ პლანესს უკვე ვესაუბრე. სხვასთან ეს თემები არ განმიხილავს. ახალი პრეზიდენტის მოსვლას აუცილებლად უნდა დავუცადოთ.”

“ფლორენტინოს განცხადებებზე პასუხის გაცემა აუცილებელი არცაა. ყველას თავისი მოსაზრება აქვს.”

“გუშინ დემბელემ ვარჯიშში მონაწილეობა ნაწილობრივ მიიღო, მაგრამ მას მეტი დრო სჭირდება, რათა ბოლომდე ვენდოთ. ჩვენ მას დიდი ალბათობით 29 დეკემბერს, “ეიბართან” შეხვედრაში ვათამაშებთ.”

“ჩემი გადმოსახედიდან, რამოსის ეპიზოდში პენალტი დასანიშნი იყო, მაგრამ მსაჯის გადაწყვეტილებას პატივი უნდა ვცეთ.”

“არაუხო მამაცი და ძლიერია, ის უფრო უკეთ უნდა ათამაშდეს, რონალდს წინ დიდი მომავალი აქვს.”

“თამაშის მიმდინარეობისას ბევრი რამის ცვლილების საშუალება გაქვს, უშუალოდ სათამაშო სისტემის ჩათვლით.”

“კუთხურიდან გაშვებული გოლები? ზოგჯერ მოწინააღმდეგეს უფრო მაღალი ფეხბურთელები ჰყავს, ჩვენ კი ტანმაღალი მოთამაშეების დეფიციტს განვიცდით.  უნდა გავუმჯობესდეთ და მეტი კონცენტრაციით ვითამაშოთ.”

“ნებისმიერ თამაშში მარცხი უკან გადგმული ნაბიჯია, მაგრამ პრობლემა გასვლით შეხვედრებში ქულების ხშირად კარგვა უფროა.”

“ლანგლე? ჩვენ ფეხბურთელების ფიზიკური გადაღლილობის გამო როტაციები ხშირად უნდა გამოვიყენოთ.”