რეალი VS ბარსელონა (ვიდეოანალიზი)

სეზონის პირველი “კლასიკოსგან” ბევრად განსხვავებული მატჩი იყო, მაგრამ ერთი რამ არ შეცვლილა, ზიდანმა რონალდ კუმანი ისევ დაჩაგრა. “რეალი” ისევ იყენებდა მესამეზე პასს და თავისუფალ სივრცეს, მაგრამ ამჯერად არა მცველების ზურგსუკან, არამედ ზონებს შორის. წინა “კლასიკოს” ანალიზი შეგიძლიათ იხილოთ აქ. 

რაც შეეხება ქარიშხლიან “კლასიკოს”, გაცილებით მეტს ველოდით, “ბარსასგან”, თორემ “რეალს” არაფერი დაეწუნებოდა, პირველი ტაიმი ჩვენი მხრიდან საშინელი გამოდგა, მეორეში კი მხოლოდ იმით გავედით ფონს, რომ ზიზუმ კონტრშეტევებზე თამაში არჩია, თუმცა, ისიც სათქმელია, რომ ქულის ასაღებად სულ მცირედი დაგვაკლდა, ქულა კი ამ თამაშში მოგების ტოლფასი იქნებოდა.

პასი ზონებს შორის

“რეალის” ნახევარდაცვის ბარიერი რამდენჯერმე გადავლახეთ, ძირითადად პედრისა და ბუსკეტსის დამსახურებით. დე იონგს ისევ ეტყობა, რომ 100%-იანი და მარტივი პასი ურჩევნია ზონებს შორის პასის გარისკვას. გამოდის, რომ პირველ ტაიმში მესიმ და დემბელემ ვერ ივარგეს, დემბელე პოზიციური შეტევების დროს რომ ნულია, ეს კარგად ვიცით, ამ თამაშში კი მცველები მუდმივად დისტანციაზე ეთამაშებოდნენ, რომ სივრცეში გაქცევის საშუალება არ მიეცათ.

დემბელე

გარდა იმისა, რომ მცველები დისტანციაზე ეთამაშებოდნენ, ჰქონდა ორი მომენტი, თითქოს დიდი არაფერი, მაგრამ ორი გოლის გატანა შეეძლო, ეს კი ასეთ თამაშში ყველაფერს ნიშნავს. დიდად არ დაგვამახსოვრდა იმიტომ, რომ ორივე შემთხვევაში ააცილა, ჯერ თავი, მერე ფეხი.

ჟორდი ალბა და შეტევა ფლანგებიდან

გუნდის მთავარი დამრტყმელი ძალა რომ ჟორდი ალბა იქნება, ესე იგი, სერიოზული პრობლემებია. თუ რამე შევქმენით, სწორედ მისი დამსახურებით, საგოლე პასიც მიითვალა და 2-3-ჯერ ძალიან სახიფათო მომენტიც შექმნა. გასაგებია, რომ მესის გარეშე ვერც ვერაფერს შექმნიდა, მაგრამ სხვასაც რომ ჰქონდეს სათამაშო ტემპის ასეთი გრძნობა, ლეოსაც ბევრად გაუმარტივდებოდა თამაში.

რეალის კონტრშეტევები

ისევე, როგორც პირველ მატჩში, ამჯერადაც მესამეზე პასით დაძლიეს ჩვენი ბარიერები, ჩვენ კი ერთხელ ვცადეთ საპასუხოდ იდენტური კომბინაცია და მაშინაც არაფერი გამოგვივიდა. ზიდანს ძალიან კარგად ჰქონდა “ბარსას” შემადგენლობა შესწავლილი. ვალვერდეც სწორედ იმიტომ დააყენა მარჯვენა ფლანგზე, რომ ალბას წინ ჩართვით ესარგებლა, ხოლო პედრის რომ სისწრაფეში დაჩაგრავდა, თავიდანვე ნათელი იყო და გამოჩნდა კიდეც.

გოლები

ყველაფერი დაიწყო იმით, რომ “რეალის” პრესინგი ძალიან კარგად დავძლიეთ, მაგრამ ბოლო ფაზაში ისევ ვერაფერს გავხდით, მერე ჩვენმა ნახევარცმველებმა პოზიციები დაკარგეს და ვალვერდემ ორჯერ ზედიზედ ჩვენი მცველები 2-1-ზე დაიჭირა, რასაც თავისუფალ ზონაში გაკეთებული პასი და გოლი მოჰყვა. 

ჯარიმას რაც შეეხება, ალბამ იმიტომ ვერ შეძლო ბურთის გამოტანა, რომ ბოლო წამს ჩაირბინა კარის ხაზთან, ჯობდა თავიდანვე ასე მოქცეულიყო.

ასეა საქმე. 

წავაგეთ, მაგრამ მეორე ტაიმი მართლა კარგი იყო, ჩემპიონობის შანსი ჯერ არ დაგვიკარგავს.