ჰანსი ფლიკის მე-100 თამაში და პეპ გვარდიოლაზე უკეთესი შედეგი

ჰანსი ფლიკს “ბარსელონას” მთავარი მწვრთნელის პოსტზე 100 თამაში დაუგროვდა. “ვილიარეალთან” გუშინ გამართულ შეხვედრაში (4-1) ფეხბურთელებმა მას კარგი საჩუქარი გაუკეთეს და საიუბილეო მატჩში მნიშვნელოვანი 3 ქულა მოიპოვეს.

“ბარსელონას” დამრიგებლის პოსტზე ჩატარებულ 100 შეხვედრაში გერმანელ სპეციალისტს 75 მოგება, 9 ფრე და 16 მარცხი დაუგროვდა.

ჰანსი ფლიკი მოგების პროცენტული მაჩვენებლის მხრივ “ბარსელონას” ისტორიაში მეორე საუკეთესო შედეგის მქონეა იმ დამრიგებლებს შორის, რომლებსაც “ბლაუგრანა” მინიმუმ 100 შეხვედრაში გაუწვრთნიათ. ამ მხრივ რეკორდსმენი ლუის ენრიკეა, ფლიკი კი პეპ გვარდიოლასაც კი უსწრებს.

“ბარსელონას” ისტორიაში ყველაზე კარგი მოგების პროცენტის მქონე მწვრთნელები, ვისაც “ბლაუგრანა” 100 მატჩში მაინც გაუწვრთნიათ:

1. ლუის ენრიკე – 76.2%
2. ჰანსი ფლიკი – 75%
3. პეპ გვარდიოლა – 72.5%
4. ელენიო ერერა – 70.6%
5. ერნესტო ვალვერდე – 66.9%