ესპანეთის მომავალი სუპერ თასი კვლავ მასპინძლის ძიებაშია. საუდის არაბეთთან კონტრაქტი ამ გათამაშებისთვის აზიის თასის გამო შეჩერებულია, რომელიც 7 იანვრიდან 5 თებერვლამდე იმართება. ამან ესპანეთის ფეხბურთის ფედერაციას საშუალება მისცა, ტურნირის მასპინძლობასთან დაკავშირებით სხვადასხვა ქვეყნიდან შემოსული უამრავი შეთავაზება განიხილოს.
კატარის ვარიანტი, რომელიც კალენდარული კონფლიქტის ფონზე გარანტირებულად ითვლებოდა, ახლა ჰაერშია გამოკიდებული ახლო აღმოსავლეთში არსებული დაძაბული ვითარების გამო – მას შემდეგ, რაც აშშ-მა და ისრაელმა ირანზე მიიტანეს იერიში, თეირანის საპასუხო სამიზნეებს შორის დოჰაც მოიაზრება. კატარი, სადაც ფეხბურთს ჩვეულებრივად თამაშობენ, მასპინძლობაზე უარს არ ამბობს, თუმცა ეს სცენარი საკმაოდ დიდ რისკებთანაა დაკავშირებული.
ალტერნატივები და ეგვიპტის ინტერესი
ამავდროულად, ესპანეთის ფეხბურთის ფედერაციაში შეთავაზებების შესვლა არ წყდება: აშშ, მექსიკა, ჩინეთი… და ასევე ეგვიპტე. ფარაონების ქვეყნის ფეხბურთის ფედერაცია ესპანურ მხარეს დაუკავშირდა, რათა სუპერ თასის კაიროში ჩატარების შესაძლებლობა განიხილონ. ამ ქვეყანაში ესპანური ფეხბურთის მიმართ უდიდესი ვნება აქვთ, ამიტომ ტურნირის წარმატება გარანტირებულია.
ორ ფედერაციას შორის ურთიერთობა მას შემდეგ უფრო გაღრმავდა, რაც მარტში “ფინალისიმას” გადადების გამო შექმნილი რთული სიტუაცია მოგვარდა და კორნელიაში ამხანაგური მატჩი დაიგეგმა. გარდა ამისა, ეგვიპტის ფედერაციამ მადლიერება გამოხატა ესპანური მხარის რეაქციის გამო იმ შეძახილებზე (“ვინც არ ხტება, მუსლიმია”), რომლებიც აღნიშნული მატჩის დროს გაისმა.
ნახევარფინალური წყვილები
ესპანეთის სუპერ თასი თებერვლის პირველ კვირაში გაიმართება და მისი ნახევარფინალური წყვილები უკვე ცნობილია: “ბარსელონა” მადრიდის “ატლეტიკოს” დაუპირისპირდება, ხოლო “რეალ მადრიდი” – “რეალ სოსიედადს”.
ფეხბურთს დედას უხნავენ
რა დებილობა მოიგონეს
რამდენი უნდა გადაუხადონ, რო წასვლად ღირდეს.