რეალ მადრიდი და სხვა გრანდები ლამინ იამალზე ოცნებას არ წყვეტენ

ლამინ იამალი რომ თანამედროვე ფეხბურთის მთავარი ამომავალი ვარსკვლავია, ეს სადავო არავისთვისაა. როგორც ირკვევა, ამას ევროპული გრანდებიც ხვდებიან.

Mundo Deportivo-ს ცნობით 17 წლის ესპანელის დამატებით არაერთი კლუბია დაინტერესებული. მათ შორისაა “რეალ მადრიდიც”, რომელიც ფეხბურთელის აგენტს, ჟორჟე მენდეშს ხშირად ეხმიანება და ინტერესდება, რამდენად შესაძლებელია ლამინის ტრანსფერი. პასუხად კი მადრიდელები ყოველთვის უარს იღებენ.

იამალით დაინტერესებულია “პარი სენ-ჟერმენიც”. ფრანგებს სჯერათ, რომ ფეხბურთელის დიდი ხელფასით დაინტერესებას შეძლებენ.

მადრიდულ და ფრანგულ კლუბებს უერთდებიან პრემიერ ლიგის გრანდებიც. კატალონიური მედიის ცნობით ინგლისურ გრანდებს ფინანსური სტრატეგია აქვთ შემუშავებული და ისინი იამალის ხელში ჩაგდებას აქტიურად ცდილობენ.

ჟორჟე მენდეში კი ყველას მკაფიოდ უმარტავს, რომ ტრანსფერი არ განიხილება და ლამინი ყველა შეთავაზებას უარით გაისტუმრებს. ფეხბურთელის სურვილი “ბარსელონასთან” ახალი კონტრაქტის გაფორმებაა, რომელიც მას “ბლაუგრანასთან” 2030 წლამდე დააკავშირებს.

მხარეებს შორის უკვე არსებობს შეთანხმება, რომლის თანახმადაც როდესაც იამალი 18 წლის გახდება, ახალი ხელშეკრულება გაფორმდება, თუმცა მისი ბოლოდროინდელი პროგრესის გათვალისწინებით იგეგმება, რომ კლუბის წარმომადგენლები და მენდეში უახლოეს მომავალში ერთმანეთს პორტუგალიაში შეხვდებიან და უკვე შეთანხმებულ პირობებს გადახედავენ.