“ბარსელონას” ლეგენდარულმა ფეხბურთელმა, ლუის სუარესმა განაცხადა, რომ “ინტერ მაიამის” შემდეგ კარიერას დაასრულებს.
“ინტერ მაიამი” ჩემი ბოლო კლუბი იქნება. მეტი აღარ შემიძლია. ჩემმა ოჯახმა ამ გადაწყვეტილების შესახებ უკვე იცის. თარიღი ჯერ არ ვიცი, მაგრამ ეს ჩემი საფეხბურთო კარიერის ბოლო ნაბიჯია. ამის შემდეგ დიდებული ცხოვრების მოწყობაზე უნდა ვიფიქრო.
– განაცხადა ურუგვაელმა ლეგენდამ.
“ელ პისტოლერომ” “გრემიოში” თამაშისას თქვა, რომ მუხლის პრობლემების გამო 1 ნაბიჯის გადადგმაც კი ძალიან უჭირს, რის გამოც მუდმივად გამაყუჩებლებით თამაშობს, ეს კი მისი ჯანმრთელობისთვის სახიფათოა.
სუარესი “ბარსელონაში” 2014-2020 წლებში თამაშობდა და გუნდთან ერთად ყველაფერი მოიგო. ამასთან, მის ანგარიშზე 283 მატჩი, 195 გოლი და 113 ასისტია. 2015/16 წლების სეზონში ის 40 გოლით ლა ლიგის ბომბარდირიც გახდა.
ისე უნდოდა მესისთან ერთად კარიერის დამთავრება, ჯანმრთელობას იგდებს საფრთხეშიი
რონალდუს რატო არაფერი აწუხებს, სადაა სამართალი უკვე მე-40 წელშია და ისევ ისე დარბის. აღარ ბერდება ეგ ჩემისა.
ეეჰ სუარეს რა დრო იყო შენ რო გვყავდიი,ამას როგორ ადარებენ ბენზემას ან ლევანდოვსკის არ მესმის,პრაიმ სუარესი საერთოდ სხვა მოვლენა იყო