უსმან დემბელე – ბარსელონას იმედი მიუნხენში

“ბარსელონას” შანსი აქვს, მძიმე სიტუაციიდან თავი დაიძვრინოს და ჩემპიონთა ლიგაზე ასპარეზობა გააგრძელოს, თუმცა, კატალონიელებს ამისათვის რთული მისია აკისრიათ – მათ სტუმრად “ბაიერნი” უნდა დაამარცხონ. სხვა შემთხვევაში “ბლაუგრანა” იმის იმედად უნდა იყოს, რომ კიევის “დინამო” გასვლაზე “ბენფიკასთან” არ წააგებს.

Marca-ს მიხედვით, “ბარსა” და ჩავი ერნანდესი ოთხშაბათს “ალიანც არენაზე” გასამართ მატჩში დიდ იმედებს ამყარებენ უსმან დემბელეზე, რომელიც, ივარაუდება, რომ ძირითად შემადგენლობაში იქნება. დემბელე “ბეტისთან” შეხვედრაში მეორე ტაიმში შეცვლაზე შემოვიდა. ფრანგის შემოსვლა შეტევას აშკარად დაეტყო, თითქოს გუნდი გამოცოცხლდა. ის თამაშის ერთადერთი ნათელი წერტილი იყო. უსმანმა რამდენიმე სახიფათო მომენტი შექმნა, თუმცა, “ბარსელონამ” გოლის გატანა მაინც ვერ მოახერხა.

დემბელე ის ფეხბურთელია, რომელსაც მეტოქის დაცვაში დისბალანსის შექმნა შეუძლია. როდესაც 24 წლის შემტევი “დორტმუნდში” ირიცხებოდა, ის ერთი-ერთზე თამაშისას ყველაზე ეფექტური იყო.

ჩავის რთული მატჩის წინ იმედს აძლევს სწორედ იმ დონის შესრულება, რომელიც დემბელემ ბოლო 3 მატჩში აჩვენა.

– ამბობს ჩავი.

“ბარსამ” ლა ლიგის მიმდინარე სეზონში 16 მატჩში მხოლოდ 23 გოლი გაიტანა. ეს “ბლაუგრანას” ყველაზე ცუდი მაჩვენებელია 2003/04 წლების სეზონის შემდეგ, როდესაც გუნდმა მხოლოდ 19 გოლი გაიტანა.

აშკარაა, რომ “ბარსელონას” შეტევაში უჭირს, რამაც ჩავის გუნდი როგორც ლა ლიგაში, ასევე ჩემპიონთა ლიგაზე რთულ სიტუაციაში ჩააგდო. კლუბი იანვარში აქცენტს სწორედ შეტევის გაძლიერებაზე გააკეთებს. დაბრუნდებიან ანსუ ფატი და მარტინ ბრეითუეიტი. სავარაუდოდ, ფეხბურთს დაუბრუნდება სერხიო აგუერო. ასევე არსებობს ფერან ტორესის დამატების ვარიანტიც.

ველით, რომ “ბარსა” იანვრიდან შეტევაში საგრძნობლად მოუმატებს, მანამდე კი ზეგ რთული მატჩი გველის, რომელშიც კატალონიელები იმედებს დემბელეზე ამყარებენ.