“ბარსელონას” ქალთა გუნდი ესპანეთის ჩემპიონია – ფეხბურთის ფედერაციამ ტურნირის დარჩენილი თამაშების გაუქმებისა და ტიტულის კატალონიელებისთვის გადაცემის გადაწყვეტილება მიიღო.
“ბარსა ფემენი” პრიმერას გამარჯვებული მეხუთედ გახდა და ყველაზე ტიტულიან ბილბაოს “ატლეტიკს” გაუთანაბრდა. აქამდე, კატალონიელებმა ჩემპიონობა 2012, 2013, 2014 და 2015 წლებში ჰქონდათ მოპოვებული. მოქმედი ჩემპიონი მადრიდის “ატლეტიკო” იყო, რომელმაც წინა სეზონში მე-3 ტიტული მოიპოვა.
წლევანდელი სეზონი 21-ე ტურის შემდეგ შეწყდა. “ბარსელონამ” მეორე ადგილზე მყოფ “ატლეტიკოს” 9 ქულით გაასწრო, თანაც მათზე ზუსტად 2-ჯერ მეტი გოლის (86) გატანა მოახერხა. შთამბეჭდავია გაშვებული გოლების რაოდენობაც – მხოლოდ 6. კატალონიურმა გუნდმა 21-დან ფრედ მხოლოდ 2 მატჩი დაასრულა და არცერთი წაუგია.
ტურნირის საუკეთესო ბომბარდირი, 23 გოლით, “ბარსას” შემტევი ხენიფერ ერმოსო გახდა. მასთან ყველაზე ახლოს, 20 გოლით, ასევე “ბარსელონელი” ასისატ ოშოალაა.
"არცერთი წაუგია"??? იქნებ არცერთი არ წაუგია?.
კარგია, დანარჩენ გუნდებსაც წარმატებები