“მონაკო” “ბარსელონას” 70-90 მილიონს სთხოვს

ანტუან გრიზმანი “ბარსელონას” უმთავრეს საზაფხულო სამიზნედ რჩება, მაგრამ კატალონიელები არც სხვა ფეხბურთელებს ივიწყებენ.

Sport-ის ცნობით, “ბარსელონამ” “მონაკოს” 22 წლის ნახევარმცველის, ტომას ლემარის მიმართ ინტერესი განაახლა.

კატალონიელებმა “მონაკოს” უკვე მიმართეს. ისინი ფეხბურთელის ფასით დაინტერესდნენ. პასუხად კი მიიღეს, რომ საფრანგეთის ჩემპიონატში მოთამაშე კლუბი მზადაა 70-დან 90 მილიონამდე შეთავაზებები განიხილოს.

ტომას ლემარი “მონაკოში” 2015 წლიდან თამაშობს. 124 შეხვედრაში მან თავი 22 გატანილი გოლით გამოიჩინა. ის საფრანგეთის ნაკრების წევრიცაა, რომლის შეამდგენლობაშიც 11-ჯერ ითამაშა და 3-ჯერ გაიტანა.